Nazim's poetry

Nazim's poetry

Thursday, March 10, 2011

unkee tasveer jab aankho'n mein utar aaee hai

unkee tasveer jab aankho'n mein utar aaee hai
maine taareek fazaa'on mein ziyaa paaee hai

husn jab hone lagaa maail-e-ilfaat-o-karam
ishq kee jaan pe kuchh aour bhee ban aaee hai

aaj tak meree nigaaho'n ko mayassar na huee
log kahte hain gulshan mein bahaar aaee hai

ab zamaane kee khabar hai na khud apnaa hee pataa
meree vahshat mujhe kyaa jaane kahaa'n laaee hai

ai nigaah-e-ghalat andaaz teree umr-daraaz
zindagee ab gham-o-aalam kee shaidaaee hai

ab to aajaa gham-e-hastee ke mitaane vaale
bas teree yaad hai main hoon shab-e-tanhaee hai

main shab-o-roz piyaa kartee hoon aksar ''meena''
mere saaghar mein nihaa'n baad-e-meenaee hai

No comments:

Post a Comment

Related Posts Plugin for WordPress, Blogger...